三人同遊

今日簡直係壯舉，一拖二帶晒兩姊弟去，海洋公園唔似迪士尼，因為地方大，斜路多，支援少。相反迪士尼地方少，支援多，工作人員通街都係。所以一拖二去海洋公園其實係一個挑戰。出門前同兩個約法三章，唔可以扭買野，唔可以扭唔走，唔可以扭我孭埋家姐個袋，唔可以扭眼瞓……傾掂數先出門口。果然一切順利，開開心心完成了今天活動，仲超額完成，原本唸住6：00走，結果玩到睇埋雙龍傳奇，關門大吉才跑去搭巴士^~^。見到兩姊弟咁開心咁滿足，再累也值得:-D。