旅行紮記

    充電回港經已半個月，整個trip 5日行程共影了接近3000張相，執相都執左幾晚。😅

    今次旅程真的做到了早機去（0655），晚機返（0155），so crazy 😂😂😂因為隨行的還有柏烯。第一次旅行就玩到咁盡真係辛苦晒。😂😂😂不過同樣都辛苦晒一日抱佢抱到黑我地。
     5日既行程都很豐富，每日都會有一個main attraction ,咁先叫做玩得盡興😆😆😆，但真係辛苦晒老公，朝朝貢早起身陪我顛
   
    Day 1 係marine bay sands 既 sky pool 游水，晚上圍住merlion附近行行食食睇laser show

    Day 2 天一光就起身搭車過新山legoland , 兩姊弟係legoland hotel check in 時已經開心到傻左，legoland water park 既水雖然冇SG咁乾淨，但都還可以.玩完waterpark再過theme park 玩到晚上9點再睇埋煙花，返到酒店再係lobby繼續砌lego到十點半先返上房。兩姊弟既快樂換來兩公婆既周身酸痛。😂😬😬😬😬

    Day 3 繼續一早起身，冇錯，一早講既好早，8點半已經落到酒店餐廳食早餐。四個原本眼都未開既人見到餐廳內既lego裝飾，即刻開眼。😂😂😂😂10點就即刻落theme park繼續玩。
    全世界都話馬拉既legoland好細半日可以玩晒，但我地都可以玩左日半，4點半先趕頭趕命返酒店上車回SG
    返到SG 拉住個大喼入sentosa festive ,呢程係最辛苦，因為玩左成日真係堅攰😣奈何festive hotel既family room又令兩個小朋友繼續狂歡到十一二點先瞓😥😥😥

    Day 4 繼續一大早起身，因為要入advanture cove ,OMG ,簡直係我至愛既water park,SG既衛生比MY甚至香港都好很多，入面既rainbow reef 真係好靚，以前試過浮潛同潛水，但都比唔上呢度魚既數量。原先唸住玩半日，點知又玩足一日。

   Day 5繼續早起，festive既早餐其實冇乜特色，下次都係會住番入beach road 既resort ,好懷念2年前係 outdoor同松鼠小鳥一齊食早餐既resort. 食飽就開始last day 既行程USS ,因為唔係第一次入，所以仲記得唔同遊戲既線路，今次人又唔太多（上次五一黃金週，超級多強國人），所以係分頭行事下幾乎全部玩晒。返酒店拎番行李，再去newton 食埋野先施施然搭mrt去機場。完成是次旅程。

     好鐘意SG，特別係sentosa ,真係百去不厭。下次再去一定會玩sentosa入面既port of wonder ,今次已經唔夠時間玩😁😁 期待下次既旅程。
    

Chok chok chok

今年第一chok，好開心竟然chok到我人生第一隻既墨魚，仲要全晚總共chok到5隻(≧∇≦)，全船人chok到103隻，我覺得好犀利。

七一遊行

我不是一個政治過份狂熱的份子，但到忍無可忍時，我是會站出來的人，對上一次，已經係反23條那年。
今年，多得梁生，多得白皮豬，仲有紅得發紫既亮星，令我覺得不得不站出來。
2時45分我們進入維園，足球場已經站滿了6個，我們只可以站在通道旁，其後入的，已經要站到草地果邊了。企左2個鐘，5點左右我地終於可以出維園，剛開始時行得好慢，最大雨時我地剛好係維園出面冇幾遠，因為遊行隊伍停左，我地也樂得舉傘避雨。當日曬完，汗濕，再淋濕，再蒸乾，再汗濕，唸起都覺得好臭-_-#。行左4個幾鐘，終於9點半左右到達遮打道。
沿途叫的口號，唱既歌，震動人心。當然，我地既高官唔會聽。我地行得好和平，因為我地唔係要攪事，只係用自己既一雙腳 發聲。
當日出現好多前港英政府既區旗，我懷念的，不是英國政府。果時香港需要受住英國人统治，英國佬話事，但我會感受到人權同平安。今日，我所感受到的，是一種白色恐怖。97年至2000年間，仍然覺得同回歸前分別唔大，但慢慢，會發現政府開始現形，歌舞昇平下，自由行下，再加上同化政策，我會發現，50年不變，不變的只是外表，核心價值已經慢慢變了。
同新加坡相比，香港人好似壞孩子，但新加坡俾對人民既野，足以令新加坡人做好孩子。反觀我地，我地卻愈來愈亂，地方唔夠住，連基本住既地方都冇，大財團壟斷，官官相護，最可怕既係連廉政公署都竟然貪污………………
我問緊自己，我兩公婆交既稅年年增多，但除左學劵之外，我有什麼好處？連囝囡發燒都已經唔敢去急症要去私家醫院，因為去親政府急症都一大堆新移民，排親都話非緊急要等6個鐘，我覺得，我的家已經不再是我的，我交的稅也只是在供養更多更多落嚟同化我地既新移民。
我唔想講香港完了，但望住而家既香港，我真係覺得香港再這樣下去，就很快完了。

龍鳳山莊輕鬆遊

很開心一家人輕輕鬆鬆的上東莞玩，買的是嘉輝會的套票，一晚酒店及龍鳳山莊入場套票。食下，玩下，游下水，過左好開心既周未

Isaac happy birthday

Isaac轉眼就三歲，原本book左迪士尼buffet既我地，因為miss左時間😡😬😠😢所以逼住取消，改訂芯瑜考試後先再去，正日去唔成迪士尼，芯瑜當然繼續溫書，我地就一連兩日切蛋糕慶祝。連食兩晚雪糕蛋糕，肥C我喇😰😰😰😰😳Isaac自細多病，所以都唔敢大肆慶祝生日，今年已經叫做高調左lu😂希望佢身體愈大愈健康，繼續聰明伶俐，聽教聽話😙😙😙😙

第三次訓練

第三星期了，今日既訓練好辛苦，因為實在太熱太曬，加上今日練習既隊員因公事少左一半，一條大龍就只得我地十個人爬…………(>﹏<)真係攰到呢……………………但正正達到教練既目的→_→練體能………………不過今日真係令我引以為傲，就係任程爬左1500槳😅😅😉😉，練足兩個半鐘，飲左2公升水，雖然好攰，但當完成左之後，覺得好鼓舞! Uf I think I can ! I Can !!!😄😄😄😄😄😄😄

捌龍舟

渴望左捌龍舟好多年，今年真係得償所願喇，哈哈哈哈哈，真係多謝老公。因為佢公司出大龍但又唔夠女隊員（其實邊有咁多女仔肯玩），於是我就可以【代夫從軍】Y(＾_＾)Y
上星期練第一次，真係好攰好辛苦，手皮都磨甩埋
今日練第二次，可能已經知道點用力，所以已經唔覺得辛苦，不過手皮仍然磨甩左.
期待下星期既練習

Missing

那年是6歲，好懷念好懷念壯健的你們…………但畢竟在這旅程上我們都有一個時限，但我知道，在我們行程最終最終的一站，終會再見。別離，是為了勝過光陰。在另一個國度，不會再有別離。

真君寶誕大戲棚

第一次嚟,先知原來香港有d咁特式既活動，我唔知邊個係真君，只知呢度好似台灣夜市，兩邊都勁多野食，專程嚟掃一次街，看似無聊，但又好開心

香港動植物公園及香港公園

這就是生活

Relax ……一家人開開心心去附近公園吹下泡泡，跑下玩下，然後食個豐盛的晚餐，食飽再去書局打書釘，返到屋企再睇過………雖然簡單，但開心，自在。這就是生活

圖書館的故事小天地

柏烯第一次參加圖書館既故事小天地，好開心，有故事聽有遊戲玩，仲可以同其他小朋友互動，直頭去左故事遊戲小組咁。重點係免費呀！超開心

別離原為戰勝與光陰的競賽

27號開開心心的溫馨晚餐前去了探阿公，大家一心等待他出院慶祝下個月94歲生日，誰知話走就走……3號上午一收到電話，已經立刻趕去醫院，15分鐘，只用了15分鐘，但任憑我點快，也不及死神快……
有幸在生的日子也有在一起，他不是基督徒，我也趕不及為他做最後的決志祈禱
有幸自己不是那些平日不抽空去陪他們，到人走後才呼天搶地的人，慶幸在過去的日子稱職的做了他三十多年的外孫女，阿公是很傳統的人，重男輕女得要命，雖我不是內孫，但他自細便已經好疼愛我，我也常常被舊街坊當了是他們的細女。
別離原為戰勝與光陰的競賽…………臨別的激動和悲哀，卻可印證著愛。
一個感情很深但淚點很低的人，心底很難走出哀傷，縱使表面上多堅強。
  阿公走後當晚，已經夢到他，在醫院走廊來來回回找路，我幫不到他，因為我知道陰陽相隔……那種無奈，我沒法忘記
  第二晚，夢到他在我家，開門等我回來……夢得太真實，就像沒有離開一樣。
   除了離別的痛，還有擔心，擔心外婆，除了多些陪佢，更要把握時間叫她決志信主，如果真的不成功，就要告訴她他日她要離開，但又找不到路，一定要告訴我……讓我可以幫忙………我信神，所以我信人有靈魂。
    阿公，一路好走，聽說人走後最後消失的是聽覺，我信，我真的相信。所以我相信你聽到並感覺到我握著你手及尚有餘溫的軀體，與你一起做的最後禱告，天父會施恩憐憫，我們終有天再相見相聚在一起，我信，我真的相信。
 

溫馨生日飯

謝謝老公每年都會為我細心的安排，幫我慶祝。感謝你無限的包容和愛，給我一個充滿愛的家，此生無憾。謝謝你

Shabushai

見佢係一田開左一段日子，終於今日夜左食飯，冇人等檯，可以試下啦(≧∇≦)叫左$258既澳洲和牛，不過脂肪真係冇乜，所以唔可以烚太耐，燙燙就要上水食，味道不錯，佢地其他任食既配料都好ok.值得再食

澳啟奶粉

細佬b唔經唔覺轉左澳啟已經幾個月，好開心佢食得好好，起初擔心的問題，完全冇出現過。澳啟奶粉，來自澳洲，但又配合到亞洲小朋友既體質同口味。細佬在轉飲澳啟之後，感覺上大隻左，塊面d肉跑步時dum dum下，真係笑C。而原本有濕疹既佢，濕疹仲冇之前咁勁，唔知係咪因為轉左隻啱佢體質既奶粉呢(≧∇≦)

Samsung S4

Samsung S4
老公送的新玩具，因為佢見我部S3慢過龜速，終於睇唔過眼，趁我shopping 中靜靜買左部S4 (≧∇≦)
謝謝老公