Samsung S4 老公送的新玩具，因為佢見我部S3慢過龜速，終於睇唔過眼，趁我shopping 中靜靜買左部S4 (≧∇≦) 謝謝老公
今日簡直係壯舉，一拖二帶晒兩姊弟去，海洋公園唔似迪士尼，因為地方大，斜路多，支援少。相反迪士尼地方少，支援多，工作人員通街都係。所以一拖二去海洋公園其實係一個挑戰。出門前同兩個約法三章，唔可以扭買野，唔可以扭唔走，唔可以扭我孭埋家姐個袋，唔可以扭眼瞓……傾掂數先出門口。果然一切順利，開開心心完成了今天活動，仲超額完成，原本唸住6：00走，結果玩到睇埋雙龍傳奇，關門大吉才跑去搭巴士^~^。見到兩姊弟咁開心咁滿足，再累也值得:-D。
由於婆婆要帶芯瑜揀禮物，於是造就了我單獨帶柏烯去海洋公園，yeah!!唔知係咪年紀大左，之前芯瑜細時，我就成日單拖同佢周圍去，反而就好少單獨同柏烯去玩，成為今次ocean park之旅令我好期待既原因。柏烯去到好開心，其實年零前佢都嚟過，不過當時太細可能佢都冇咩印象。今次去到佢已經識晒好多海洋生物同動物既名。好開心兩姊弟都咁鍾意動物。嚟緊既星期六會一拖二再去，因為張飛到期，買左一直未用，所以要趁機快d用埋佢。希望一拖二既我，仍然會有氣有力睇實兩隻馬騮仔啦。
早幾個月收到電郵，是一間澳啟奶粉想找blogger試她的奶粉，終於上星期收到了！此奶粉由澳洲出口及製造，加上是由郭晉安做代言人，給我有一定的信心讓柏烯試。柏烯出世頭半年是飲母乳，六個月後就一直飲惠氏。直到一歲轉飲雪x,飲左一星期就開始冇便便，令我地好擔心，睇左幾次醫生，最後才醒覺可能是奶粉問題，即刻轉番惠氏，便便就正常番。澳啟奶粉亦主打唔熱氣，天然，柏烯飲左一星期便便仍然正常，令我好放心繼續試落去。
2014年的第一天 由 green 開始 今天與芯瑜參加了機構辦的開心農莊，地點就是大嶼山散石灣女青年會梁紹榮渡假村，上午9：30集合後就由旅遊巴送往camp site 然後就開始滿滿的活動，先有整再造紙，然後就整香草醬，下午再整cupcake 同花草茶，完完滿滿的第一天
